أثار عدد كبير من رواد مواقع التواصل الاجتماعى الكثير من الجدل، خلال الساعات القليلة الماضية، وذلك بعد تداول مجموعة من الصور الخاصة بالفنانة ميمى جمال.
وصرحت الفنانة، أثناء مداخلة هاتفية ببرنامج “حضرة المواطن”، والذى يقوم بتقديمة الاعلامى سيد على، والذى يُذاع من خلال فضائية “الحدث اليوم”.
وقالت:ـ “بعد وفاة جوزى حسن مصطفى فضلت قاعدة 6 سنين مش عارفة أشتغل، وده علشان عشرة العمر مش سهلة”، موضحا :”وقعدت فترة طويلة فى البيت وعملت كذا عمرة، وليا صور كتير وأنا مُحجبة وليا الشرف إنى أبقى مُحجبة”.
وتابعت الفنانة:ـ “وكمان الصور المُنتشرة ليا دلوقتى من أيام ما كنت بعمل عمرة مع جوزى رحمة الله عليه، وأنا لم أعتزل التمثيل”.
وتابعت :”وكل الكلام اللى بيتقال ليس له أى أساس من الصحة، وأنا جات عليا فترة كان لما بيسألونى ويقولوا هتشتغلى”.
وقالت :”فكنت برد عليهم وأقول لأ.. وده السبب اللى إعتبروا على أساسه إنى إعتزلت”.
وقالت الفنانة:ـ “وأنا بعد ما جوزت بناتى الحمد لله حسيت إنى مش بفهم فى حاجة فى الحياة كلها غير التمثيل، ومش عارفة أعمل أى حاجة تانية”.
واستمرت في حديثها :”ولما لقيت نفسى قاعدة لوحدى فى البيت قلت ما أنا أرجع تانى وده رزق وشغل، وده هو السبب اللى خلانى أرجع وأشتغل من تانى بالتمثيل”.
المصدر: نجوم مصرية
التعليقات