كشفت الفنانة منة شلبي، كواليس فيلمها الشهير “الساحر” لأول مرة في حياتها، والذي بدأت به مشوارها الفني بجانب الراحل محمود عبدالعزيز، والذي تم عرضه عام 2001، وأشارت بأن محمود عبدالعزيز لم ينجب بنات وأنه يعتبرها ابنته.
وأكدت الفنانة، أثناء استضافتها ببرنامج “سهرانين”، والذي يقوم بتقديمة الفنان أمير كرارة، والذي يُذاع عبر منصة “watch it”، بأن الراحل محمود عبدالعزيز كان في مقام والدها، وأنه أول من قدمها للجمهور من خلال فيلم “الساحر”، حيث قدمت دوراً مختلفاً من بداية العمل حتى آخره.
وواصلت منة:ـ “الفنان محمود أبويا واستاذي، ومحمد وكريم ولاده زي اخواتي، وفي الحياة العامة أكتر واحد كنا بنروح له في عز أزماتنا أنا ووالدتي ، وحقيقي هو وأولاده كانوا رجالة بمعنى الكلمة واخواتي، وأول لما أروح كاستنج محمد بيكون معايا وهو بالنسبة ليا أكتر من أخ، والفنان محمود مخلفش بنات وكان بيعاملني زي بنته، ووالدتي مجبتش بنات غيري وده اللي كان بيخليها تتعامل معاهم على إنهم ولادها”.
وتابعت الفنانة:ـ “وبجد أنا عذبتهم أثناء تصوير فيلم الساحر، وده علشان مكنتش بعرف أمثل كويس وتمثيلي كان زي الزفت، وده لدرجة إني كنت بقف قدام الأستاذ محمود ساكتة ومش عارفة أتكلم، وساعتها مكنتش عارفة أنطق وبتكلم في سري ومش فاهمة الكلام”.
وأنهت منة:ـ “وساعتها أنا كنت كارثة، وزمان كنت تخينة وبحب الأكل ولما خسيت شوية خدوني، وبعدها تخنت تاني لدرجة إن الاستاذ رضوان الكاشف كان كل شوية يقولي إحنا هنصور فيل؟، وأنا مكنتش عارفة أرد وأفضل أعيط، وعلى فكرة أنا لسه بحب الأكل لحد دلوقتي.. بس اتعلمت أكون مهذبة شوية”.
المصدر: موقع نجوم مصرية.
التعليقات