![لطيفة عن فيلم “سكوت هنصور”: «يوسف شاهين كان عاوزني أصور مشهد جرئ وخالد يوسف حاول يقنعني»](https://foot-dz.com/wp-content/uploads/2023/07/لطيفة-وخالد-يوسف-ويوسف-شاهين-800x500.jpg)
كشفت الفنانة لطيفة، كواليس تعاونها مع المخرج الراحل يوسف شاهين، وذلك في فيلم “سكوت هنصور”، موضحة بأنه من أفضل الأعمال الفنية التي قدمتها خلال مسيرتها الفنية.
وأكدت لطيفة، أثناء استضافتها ببرنامج “معكم منى الشاذلي”، والتي تقوم بتقديمة الإعلامية منى الشاذلي، والمذاع عبر فضائية “cbc”، بأنه ليس من المنطقي أن تقوم بدور والدة الفنانة روبي، ولكن الأمر لم يكون عائقاً بالنسبة لها، وعلقت:ـ “الموضوع مكنش منطقي، ولكن اللي كان بيقول عليه المخرج يوسف شاهين كنت بعمله على طول، وده غير حاجة واحدة بس معملتهاش وكانت هتعملي مشكلة كبيرة”.
وواصلت الفنانة:ـ “ساعة ما كنا بنصور الفيلم يوسف طلب مني أعمل مشهد جرئ وأنا قلت لأ، وده علشان أنا من البداية شرطت إني مقدمش مشاهد جريئة وخلافه، وكمان المشهد مكنش موجود في السيناريو، ولكنهم حطوه بعدين وإحنا بنصور أمام الكاميرا، وساعتها أنا رفضت والتصوير وقف وسيبت اللوكيشن وخرجت”.
وتابعت:ـ “وبعدها بشوية لقيت خالد يوسف بيكلمني وبيحاول يقنعني إني أكمل وأعمل المشهد، وأنا رفضت وقلت له مش هقدر ولو عاوزين الأغاني بتاعتي خدوها هدية مني ليكم.. بس مش ممكن أعمل المشهد ده، وحقيقي كنت بسحب نفسي من العمل علشان المشهد ده”.
وأشارت لطيفة، بأن الشخص الوحيد الذي قام بمساندتها في هذه الأزمة هو الفنان أحمد وفيق:ـ “قالهم يا جماعة هى شرطت من البداية على كده، وإنها مش عاوزه تعمل مشاهد من هذا النوع ولا قبلات، ودلوقتي جايين تفرضوا عليها وهى قدام الكاميرا”.
المصدر: موقع نجوم مصرية.
التعليقات