وقالت:ـ “خلاص مبقاش فى عضم فى القفص الصدرى علشان أحطة فى مناخيرى، والحمد لله بقيت بتنفس وأتذوق.. وراضية بشكلى ووصلت لحالة من الصفاء، واللى عاجبه عاجبه واللى مش عاجبه يغير المحطة”.

وعن الحب فى حياتها:ـ “أنا متجوزتش وماخلفتش، ونفسى أعيش قصة حب حقيقية بس مفيش حد إتقدم لى، وأنا أهم حاجة فى الشخص اللى هرتبط بيه يكون أبيض من جوه، ومش مهم فكرة الشكل بس الأهم يكون راجل محترم وقلبة كويس ويخاف ربنا فيا ومايخونيش”.

وأكدت على أنها تتمنى من الله أن يُعينها على إرتداء الحجاب وقالت:ـ “حجيت 7 مرات، وكمان علاقتى بربنا كويسة أوى مش بسبب الصلاة وبس، وأنا على طول بدعى ربنا إنه يدينى القدرة على إرتداء الحجاب، وده علشان بجد أنا نفسى ألبسه”.

وإختتمت حديثها:ـ “معنديش عيلة ولا زوج ولا أولاد أنشغل بيهم، ومكملتش اللى نفسى فيه بالفن ومش عارفة أعيش حياتى كويس، وبتمنى من ربنا إنوا يقولى هيحصل إيه.. هل من الممكن إنى أكمل بالتمثيل وأقدم كل الأدوار اللى بتمناها؟، ولا هقابل شريك حياتى اللى مش هيفكر بمناخيرى بايظة ولا لأ، ولا هيهتم أن حلوة ولا وحشة”.

المصدر: موقع نجوم مصرية.

The post حورية فرغلى لـ القاهرة 24: بجد بتمنى من ربنا إنى ألبس الحجاب appeared first on foot dz.