تحدث الفنان حسن الرداد عن طبيعة علاقته مع زوجته إيمي سمير غانم، وما تحبه وهوايتها .
وأوضح “الرداد”، أن زوجته تحب القطط والكلاب وتعتبرهم “زي عيالها”، قائلا :””ولكن لما اتجوزت إيمي شفت الكلاب “.
وتابع :”لما اتجوزت ايمي عمري ما شوفت حد بيعتبرهم زي عيالها زي ما شفت إيمي عاملة مع الكلاب والقطط، وبتأكلهم طول الوقت”.
وقال :” وبعدها في مرة إيمي قالت لى واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلى مدح طبعا”.
وأكمل حديثه نقلا عنها :”ده أنا كنت بقول لبابا كده إن هو والكلاب أكتر حاجة بحبها في حياتى”.
وكشف حسن الرداد أنه لا يحب الحيوانات سريعة الحركة قائلا :”تاريخي مع الكلاب والقطط زي الزفت”.
وسرد الرداد خلال لقائه ببرنامج “صاحبة السعادة” مع اسعاد يونس :”يعني كنت أنزل أجيب حاجة من الشارع ألاقى كلاب بتجري ورايا، فطلعت بخاف من الكلاب وبعتبره عدو للإنسان”.
التعليقات