إيمان العاصى عن كشف أسرار المشاهير على السوشيال ميديا: «فين حُرمة البيوت؟»
close

علقت الفنانة الجميلة إيمان العاصى، على قيام بعض المشاهير بعرض أسرارهم وحياتهم الشخصية على السوشيال ميديا، وتحدثت أيضاً عن امكانية زواجها مرة أخرى.

وأكدت الفنانة، من خلال تصريحات تليفزيونية وقالت:ـ “كشف أسرار البيوت على مواقع التواصل الاجتماعى كارثة كبيرة، وحقيقي ده ميخصش حد سواء مشكلة مع زميل أو خلاف فى البيت، ودايماً بقول ربنا ما يحطني فى موقف زي ده أبداً”.

وتابعت إيمان:ـ “اتربنا إني فى حاجة اسمها حُرمة البيوت.. إزاي  بتقدروا تقولوا حاجة زي دي للجمهور؟، بجد أمر غريب وثقافة عجيبة وفي ناس بتاكل عيش من الموضوع ده، وحقيقي ده أرخص أكل عيش ومش بحترم نهائي الطريقة دي، وبتمنى إن الناس تكون عندها رحمة وإصول، وده علشان الناس تعرف تتجنب حاجات كتير أوي مش كويسة”.

وتحدثت الفنانة خلال اللقاء، عن امكانية زواجها مرة أخرى وقالت:ـ “لحد فترة قريبة مكنتش مُفتقدة فكرة إني متجوزة، وده علشان أنا اتجوزت شهرين بس، ولكن فى الوقت الحالي نفسي يكون في حد جنبي، ومع ذلك بحاول أتجنب الارتباط لأن الأمر مش سهل يحصل فى حياتي، ولكن أدرك جيداً أهمية وجود شريك الحياة، وخصوصاً لو في حاجات مشتركة بينا”.

وواصلت العاصى:ـ “أنا بخاف إني اتعلق بشخص، وده لأن قلبي بيتكسر بسرعة، وبقول الحمد لله إني مش مرتبطة ولكن ده مش سبب ابتعادي لأن لحد دلوقتي مش شايفة الشخص المناسب، وكل اللي أنا عاوزاه انسان مخلص ومش كداب ويحبي بجد”.

المصدر: موقع نجوم مصرية.

تابعنا على جوجل نيوز google news

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *