كشفت الفنانة رحمة أحمد فرج ، عن امكانية تجسيدها لشخصية “مربوحة” مرة أخرى، فى مسلسل “الكبير أوى” بجانب الفنان أحمد مكى، وذلك بعد الكثير من الانتقادات التى تعرضت لها خلال الفترة الماضية، بعد أن شاركت فى الجزء السابع من المسلسل، والذى تم عرضه خلال الموسم الدرامى الرمضانى للعام الحالى 2023.
وأكدت الفنانة، أثناء استضافتها ببرنامج “the insider بالعربى” وقالت:ـ “اللي يقدر يجاوب على السؤال ده هو مخرج العمل، وده علشان هو اللي بيقول إمتى أعلي صوتي فى العمل أو لأ، وده لأني ده شغله هو مش أنا”.
وأضافت رحمة:ـ “أنا دايماً بشتغل على الشخصية وباخد رأي المخرج، وحقيقي لو وافق إني أعلي صوتي تمام معنديش مانع، ولو وافق إني أوطي صوتي برده تمام مفيش أي مانع نهائي”.
ومن جانبها، فقد سبق وتحدثت رحمة أحمد عن الانتقادات التى وجهت لها بعد تقديمها لشخصية “مربوحة” فى الجزء السابع من مسلسل “الكبير أوى”، من خلال تصريحات تليفزيونية وعلقت قائلة:ـ “أنا مش متعودة إن السوشيال ميديا تأثر عليا أوي، وفي كتير من الأحيان لازم أكون مبسوطة”.
وأضافت الفنانة:ـ “أنا انبسطت كتير من دعم اللي حواليا، وزي ما جالي دعم السنة اللي فاتت بردوا جالي السنة دي، وده من اساتذه كبار طلعوا واتكلموا عليا، وكمان شكروا فى الشخصية والعمل كله، وبجد كرم ربنا وتوفيقه كان أكبر بكتير”.
المصدر: موقع نجوم مصرية.
التعليقات