يسرا عن السينما الأمريكية :”أقسم بالله رفضت فيلم عالمي بمبلغ ضخم لأني ذكية “
close

تحدثت الفنانة الكبيرة يسرا عن تجربتها في السينما العالمية، وذلك خلال لقائها مع انجي علي ببرنامج “اسرار النجوم”، على اذاعة نجوم إف أم.

وصرحت بأنها رفضت التمثيل في أحد الأفلام الاجنبية بالرغم من عرض مبلغ وصفته بـ”مخيف وضخم” .

وعقبت قائلة :”معجبنيش الموضوع يعني أنا اشتغل النهارده وأقعد في بيتنا بكره ليه؟ أنا اشتغل النهارده بذكاء”..

وأضافت: “أقسم بالله أنا اتعرض عليا وقتها الكلام ده في التمانينات.. اتعرض عليا وقتها مبلغ مخيف ما بيتسمعش ما كانش بيتسمع بس قولت لأ”.

وتابعت: “واتعرض عليا فيلمين واحد في أمريكا وواحد كان هيتنفذ في أمريكا.. الاتنين ما عجبونيش.. واتعرض عليا فيلم فرنساوي برضه ما عجبنيش وما عملتوش”.

واستكملت: “وبعدين أنا النهارده لما بشوف تاريخي الفني أنا النهارده ست عالمية هعوز إيه تاني؟.. أنا النهارده ست العالم كله بيعرفني من خلال شغلي في بلدي في بيتي في مكاني”.

وعن عملها مع المخرج العالمي يوسف شاهين، والزعيم عادل إمام، قالت: “يوسف شاهين هو أول من عرفني بالعالم الخارجي بالعالمية.. عادل إمام كان هو اللي خلاني أحضن جمهوري في الوطن العربي كله وبقينا عالمين وبقينا دويتو كل الناس عايزينه وحابينه وشايفينه وعايزينا دايمًا مع بعض”.

وأختتمت حديثها قائلة: “أنا كنت ست محظوظة إن أنا اشتغلت مع أهم الناس.. عادل إمام 17 فيلم.. يوسف شاهين كل أفلامه تقريبًا معادا آخر 3 أو 4 أفلام”.

المصدر: نجوم مصرية

تابعنا على جوجل نيوز google news

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *