ظهرت المعتزلة ميرهان حسين، مرة ثانية وقامت بتوضيح حقيقة اعتزالها العمل بالفن، بعد أن أعلنت اعتزالها خلال الفترة الماضية، مؤكدة بأن الوسط الفني يسوده الشلالية وعدم التقدير.
وقامت ميرهان، بنشر مقطع فيديو على خاصية الأستوري عبر حسابها الرسمي على موقع التواصل الإحتماعي “انستجرام”، موضحة:ـ “أول حاجة وحشتوني أوي، وبعتذر للجمهور على اختفائي الفترة الماضية، ولكني اختفيت علشان أرجع ليكم أفضل من الأول، وحقيقي مش عارفة أشكركم إزاي على كمية الحب والإهتمام اللي شوفتها الفترة اللي فاتت.. شكراً لكل أصدقائي وزملائي وأهلي والناس اللي بتحبني، وبجد لولاهم مكنتش هعرف أعدي الأيام الماضية”.
وواصلت ميرهان:ـ “وأما عن موضوع اعتزالي الفن.. أنا مكنتش أقصد أبداً الفن، وكل اللي كنت أقصده ابتعادي عن السوشيال ميديا.. أبعد عن الناس فترة، وده علشان كان عندي احباط ومريت بفترة صعبة زي أي شخص ممكن يمر بظروف تعب واكتئاب، ولكن بعد الوقفة الحلوة اللي شوفتها من الناس اللي بيحبوني قدرت اتخطى هذه المهنة”.
وأنهت:ـ “مكنتش في أفضل حالاتي وبعد وقفتكم جمبي ودعمكم ليا رجعت أفضل من الأول بكتير، وإن شاء الله الأيام القادمة تكون أحلى وأجمل أيام في حياتي كلها، وبجد بعد وقفتكم جمبي وحبكم ليا إن شاء الله قادرة على العودة، وبوعدكم الفترة اللي جاية بحاجات جميلة وبـ ميرهان اللي انتوا تعرفوها.. حقيقي شكراً ليكم”.
وجديراً بالذكر، بأن آخر اعمال الفنانة ميرهان حسين مسلسل بعنوان “مشوار الونش”، وشاركها البطولة مجموعة كبيرة من نجوم الفن أبرزهم “محمد رجب، ومنة فضالي، ومحمود عبدالغني، وميمي جمال، ومحمد أبو داود”، وغيرهم، والعمل من تأليف أحمد عبدالفتاح ومن إخراج اسماعيل فاروق.
المصدر: موقع نجوم مصرية.
التعليقات