وأكدت لبلبة، أثناء استضافتها ببرنامج “كلمة أخيرة”، والتى تقوم بتقديمة الاعلامية لميس الحديدى، والذى يُذاع من خلال فضائية “on”، بأنها تعيش منذ فترة طويلة على الأجبان والخضروات، وأنها تعشق الفول والطعمية ودائماً ما تفكر فيهما.

وأكدت الفنانة وقالت:ـ “أنا عايشة على الجبن والخضار، وبحب الطعمية والفول أوى، ودايماً بحافظ على رشاقتى وبعمل ده علشان أكون جاهزة فى أى وقت لتقديم أى عمل فنى، وشايفة إن الموضوع بسيط أوى”.

وصرحت الفنانة، على أنها من حين لآخر تقوم بحقن وجهها بالبوتوكس، وأكدت على أنها تستعين به على حسب طبيعة الدور التى تقوم به، وعلقت قائلة:ـ “أنا بعمل بوتوكس من حين لآخر على حسب طبيعة الدور اللى هعملة، ولو الدور اللى هعملة سيدة ارستقراطية وشايفة نفسها شوية بروح ضربة حقنتين بوتوكس يخلوا الحواجب تطلع لفوق، ولو الدور ست شقيانة وغلبانة كل حاجة تفضل زى ما هى، وحقيقى ربنا يخلى البوتوكس مش بطال، ودلوقتى البنات اللى عندهم 25 سنة بقوا بيعملوه”.

وبعد أن سؤلت لبلبة، عن الأدوار التى تتمنى أن تقدمها قالت:ـ “جوايا حاجات كتير أتمنى إنى أعملها.. عاوزة أعمل حاجة عن ذوى الهمم، وكمان معملتش أدوار شريرة ونفسى أعملها، وبتمنى من ربنا يبعتلى شخص زى عاطف الطيب علشان يكتشفنى من تانى، وهو كان بيروح دايس على حتة عندى محدش خد باله منها”.

المصدر: موقع نجوم مصرية.

The post لبلبة عن سبب رشاقتها حتى الآن: عايشة على الجبن والخضار وربنا يخلى البوتوكس appeared first on foot dz.

وأكدت الفنانة لبلبة، أثناء استضافتها ببرنامج “كلمة أخيرة”، والتى تقوم بتقديمة الاعلامية لميس الحديدى، والذى يُذاع من خلال فضائية “on”، وعلقت قائلة:ـ “أُمى كانت بتعرض على طول على مشاهد القبلات بينى وبين الفنان عادل إمام فى الأفلام اللى جمعتنا، وأنا ساعتها كنت لسه صغيرة بالإضافة إن فى أغلب الأفلام اللى جمعتنا مع بعض كنا متزوجين، ومش هينفع عريس وعروسة مش هيحضنوا بعض، فكان السيناريو طبيعى زوج وزوجته مع بعض، وأما فى فيلم (الخط) كنا مش متجوزين فمكنش فيه حاجة خارجة، وعادل إمام لم يُقبلنى ولا مرة فى الفيلم”.

وحينما سؤلت الفنانة عن سبب إرتدائها لملابس شبه عارية، وتكشف أجزاء كبيرة من الجسد فى مُعظم أفلامها قالت:ـ “بجد الموضة ساعتها كانت ماشية كده.. كان المينى جيب، وده كان عادى جداً وقتها، وده السبب إن مكنش فى حد بيعلق على ملابس الفنانات ساعتها”.

وفى نهاية اللقاء رفضت الفنانة لبلبة، التصريح عن أسباب انفصالها عن الفنان حسن يوسف، وأشارت بأنه مُتزوج الآن ولا يمكن الكلام فى مثل تلك الأمور فى الوقت الحالى، وأكدت على أن الزواج والطلاق نصيب ولكن هذا الانفصال سبب لها صدمة، حيث أنها تزوجا منه فى سن الـ 17 عام وحينما أتمت الـ 24 عام انفصلت عنه، ومنذ ذلك الحين لم تُفكر الفنانة نهائياً فى الزواج وإكتفت بقول جملة واحدة:ـ “كبرنا بقا”.

المصدر: موقع المصرى اليوم.

The post لبلبة عن مشاهد «البوس» مع عادل إمام:”أمي اعترضت أزاي عريس وعروسة مش هيحضنوا بعض» appeared first on foot dz.